ಕುಟ್ಮಾಚೊ ದೀಸ್ ಆಚರಣ್ ಎಕ್ತಾರ್ ಆಯೋಗಾನ್ 14.09.2025 ವೆರ್ ಆಯ್ತಾರಾ ಆಚರಣ್ ಕೆಲೊ

ಮೇ 11, 2025: ಫಿರ್ಗಜೆಚ್ಯಾ ರುಪ್ಯೋತ್ಸವ್ ಸಂದರ್ಬಿ ಮೇ 11 ವೆರ್ ಫಿರ್ಗಜೆಚೊ ಸಮುದಾಯ್ ದಿವಸ್ ತಶೆಂಚ್ ಎವ್ಕರಿಸ್ತಿಕ್ ಪುರ್ಶಾಂವ್ ಮಾಂಡುನ್ ಹಾಡ್‌ಲ್ಲೊ. ಅದಿಕ್ ಮಾನಾದಿಕ್ ದೊತೊರ್  ಆಲೋಸಿಯಸ್ ಸೋಜ್ ಬಾಪಾನಿಂ ಪ್ರಧಾನ್ ಯಾಜಕ್ ಜಾವ್ನ್, ದೊತೊರ್ ಮಾ| ಬಾ| ಸುನಿಲ್ ಜೋರ್ಜ್ ಡಿಸೋಜಾ, ಫಿರ್ಗಜ್ ವಿಗಾರ್ ಮಾ| ಬಾ| ಅನಿಲ್ ಜೋಯಲ್ ಡಿಸೋಜಾ ಸಂಗಿಂ ಮಿಸಾಚೆಂ ಬಲಿದಾನ್ ಸಾಂಜೆರ್ 4 ವರಾರ್ ಬೆಟಯ್ಲೆಂ. ಉಪ್ರಾಂತ್ ಸರ್ವಾನಿಂ ಭಕ್ತಿಪಣಾಣ್ ಎವ್ಕರಿಸ್ತಿಕ್ ಪುರ್ಶಾವಾಂತ್ ಭಾಗ್ ಘೆತ್ಲೊ.

ಸಾಂಜೆರ್ 7 ವರಾರ್ ಸಾಂಸ್ಕೃತಿಕ್ ಕಾರ್ಯಕ್ರಮಾ ಸವೆಂ ಪಾಟ್ಲ್ಯಾ 25 ವರ್ಸಾನಿಂ ಫಿರ್ಗಜೆಂತ್ ಉಪಾದ್ಯಕ್ಷ್, ಕಾರ್ಯದರ್ಶಿ, ಗುರ್ಕಾರ್, ಕ್ರೀಸ್ತಿ ಶಿಕ್ಷಣ್ ಶಿಕ್ಷಕಾಂ, ಇಗರ್ಜೆಕ್ ಜಾಗೊ ದಾನ್ ದಿಲ್ಲ್ಯಾಂಕ್ ತಶೆಂಚ್ ಫಿರ್ಗಜೆಂತ್ ಇತರ್ ರಿತಿನ್ ಸೆವಾ ದಿಲ್ಲ್ಯಾಂಕ್ ಮಾನ್ ಪಾಟಯ್ಲೊ. ವೆದಿರ್ ಅಧ್ಯಕ್ಷ್ ಜಾವ್ನ್ ಆದ್ಲೆ ಗೊವ್ಳಿ ಬಾಪ್ ಆಲೋಸಿಯಸ್ ಪಾವ್ಲ್ ಸೋಜ್, ಲಾನ್ ಕ್ರೀಸ್ತಾಂವ್ ಸಮುದಾಯ್ ತಶೆಂಚ್ ಆದ್ಲೆ ಆಡಳ್ತೆದಾರ್ ಜಾವ್ನ್ ಸೆವಾ ದಿಲ್ಲೆ ಮಾ| ಬಾ| ಸುನಿಲ್ ಜೋರ್ಜ್ ಡಿಸೋಜಾ, ಫಿರ್ಗಜ್ ವಿಗಾರ್ ಮಾ| ಬಾ| ಅನಿಲ್ ಜೋಯಲ್ ಡಿಸೋಜಾ, ರೋಲ್ಪಿ ಡಿಕೋಸ್ತಾ, ಫಿರ್ಗಜ್ ಉಪಾದ್ಯಕ್ಷ್ ಪೆಬಿಯನ್ ವೇಗಸ್, ಕಾರ್ಯದರ್ಶಿ ಡೋಲಿ ಡಿಸೋಜಾ, 21 ಆಯೋಗ್ ಸಂಯೋಜಕಿ ಜೆಸಿಂತಾ ವೇಗಸ್, ಲಾನ್ ಕ್ರೀಸ್ತಾಂವ್ ಸಮುದಾಯ್ ಸಂಚಾಲಕಿ ಝೀನಾ ವೇಗಸ್, ಗ್ರೆಟ್ಟಾ ವೇಗಸ್ ಹಾಜರ್ ಆಸ್‌ಲ್ಲಿಂ. ಗ್ರೆಟ್ಟಾ ವೇಗಸ್ ಹಿಣೆಂ ಸ್ವಾಗತ್ ಕರ್ನ್ ಜೆಸಿಂತಾ ವೇಗಸ್ ಹಿಣೆಂ ಧನ್ಯವಾದ್ ಪಾಟಯ್ಲೆ. ಕಾರ್ಯಕ್ರಮಾಚ್ಯಾ ಆಕ್ರೇಕ್ ಸವಾಂಕ್ ಜೆವ್ಣಾಚಿ ವ್ಯವಸ್ಥಾ ಸರ್ವ್ ವಾಡ್ಯಾಗಾರಾನಿಂ ಸಾಂಗಾತಾ ಮೆಳೊನ್ ಆಸಾ ಕೆಲ್ಲಿ.

ಜೂನ್ 30, 2024: ಪರಿಸರ್ ಆಯೋಗ್ ಆನಿ ಭಾರತೀಯ್ ಯುವ ಸಂಚಾಲನಾಚಾ ಮುಖೆಲ್ಪಣಾಖಾಲ್ ಲಾವ್ದಾತೊ ಸಿ (ಪರಿಸರ್ ದಿವಸ್) ಆಚರಣ್ 30.06.2024 ಸಾಕಾಳಿಂ ಮಿಸಾ ಉಪ್ರಾಂತ್ 8:15 ವರಾರ್  ಚಲವ್ನ್ ವೆಲೆಂ ಫಿರ್ಗಜೆಚೊ ವಿಗಾರ್ ಮಾ|ಬಾ| ಅನಿಲ್ ಡಿಸೋಜಾ, ಫಿರ್ಗಜ್ ಗೊವ್ಳಿಕ್ ಪರಿಷದೆಚೊ ಉಪಾಧ್ಯಕ್ಷ್ ಮಾನೆಸ್ತ್ ಫೆಬಿಯಾನ್ ವೇಗಸ್, ಕಾರ್ಯಾದರ್ಶಿ ಡೋಲಿ ಡಿಸೋಜಾ,

ಪರಿಸರ್ ಆಯೋಗಾಚೊ ಸಂಚಾಲಕ್ ಜೋಕಿಂ ಡಿಸೋಜ ಆನಿ ಭಾರತೀಯ್ ಯುವ ಸಂಚಾಲನಾಚೆಂ ಅಧ್ಯಕ್ಷಿಣ್ ರೀಶಾ ಡಿಸೋಜ, 21 ಆಯೋಗಾಚಿಂ ಸಂಚಾಲಕಿ ಜೆಸಿಂತಾ ವೇಗಸ್ ಹಾಜರ್ ಆಸ್ಲಿ. ಜಮ್ಲೆಲ್ಯಾ ಸರ್ವಾಂಕ್ ಶೈನಿ ಫೆರಾವೊ ಹಾಣಿಂ ಸ್ವಾಗತ್ ಕೆಲೆಂ. ವಿಗಾರ್ ಬಾಪಾನಿಂ ಲಾವ್ದಾತೊ ಸಿ, ಪರಿಸರ್ ಸಂರಕ್ಷಣ್ ಆನಿಂ ತಾಚ್ಯಾ ಮಹತ್ವವಿಶ್ಯಾಂತ್ ಸಂದೇಶ್ ದಿಲೊ. ಚಾರ್ ಯಿ  ವಾಡ್ಯಾಚ್ಯಾ ಗುರ್ಕಾರ್, ಪ್ರತಿನಿಧಿಂಕ್ ಝಡಾಂ ವಿತರಣ್ ಕೆಲಿಂ. ಇಗರ್ಜೆಚ್ಯಾ ಕುಶಿಚ್ಯಾ  ಮೈದಾನಾರ್  ಝಡಾಂ ಲಾಯ್ಲಿಂ. ಶೋನ್ ಫೆರಾವೊ ಹಾಣಿಂ ಸರ್ವಾಂಕ್ ಧನ್ಯವಾದ್ ಪಾಟಯ್ಲೆಂ. ಕಾರ್ಯಕ್ರಮಾಚೆಂ ಕಾರ್ಯೆಂ ನಿರ್ವಹಣ್ ರೀಶಾ ಡಿಸೋಜಾನ್ ಕೆಲೆಂ. ಯುವ ಸಂಚಾಲನಾಚೆ ಸಾಂದೆ ತಶೆಂಚ್ ಜಾಯ್ತೊ ಲೋಕ್ ಹ್ಯಾ ಕಾರ್ಯಕ್ ಹಾಜರ್ ಆಸಲ್ಲೊ.

2023-24 ವ್ಯಾ ವರ್ಸಾ ಚಲ್‌ಲ್ಲ್ಯಾ ಧಾವಿ, ಪಿಯುಸಿ  ಅನಿಂ ಸ್ನಾತಕೋತ್ತರ್ ಪರೀಕ್ಷೆಂತ್ 80% ಆನಿ ಚಡಿತ್ ಅಂಕ್ ಜೊಡ್ಲ್ಯಾಂಕ್, ಕಥೋಲಿಕ್ ಸಭಾ ತೋಕುರ್ ಘಟಕ್ ತರ್ಪೆನ್ ಸಾಂತ್ ಅಂತೋನ್ ಪೆಸ್ತಾ ಸಂದರ್ಭಿ ಅಸಾ ಕೆಲ್ಲ್ಯಾ ವೆದಿ  ಕಾರ್ಯಾಂತ್ ಮಾನ್ ಪಾಟಯ್ಲೊ 

ಜುಲೈ 21, 2024: ಸಾಂ. ಸೆಬೆಸ್ತ್ಯಾಂವ್ ಫಿರ್ಗಜ್ ತೋಕುರ್ ಯುವಜಣಾಂಚೋ ಅಯೋಗ್ ಆನಿ ಐಸಿವೈಮ್  ತೋಕುರ್ ಘಟಕಾನ್ ವ್ಹಡಾ ದಬಾಜನ್ ಪಾವ್ಸಾಂತ್ ಏಕ್ ದೀಸ್ ಫಿರ್ಗಜ್ ಕುಟಾಮ್ ಕಾರ್ಯೆo ಜುಲೈ 21,2024 ಆಯ್ತಾರಾ ಮಾಂಡುನ್ ಹಾಡ್ಲೆಂ.